PSE-EE alderdiko Larraulgo eta Berrobiko alkateek esan dute gutun bat bidali diotela Iker Urruzola Tolosaldea Garatzeneko lehendakariari. Gutunean ekainaren 2ko bilera baten deialdia jaso izana gaitzetsi dute. Bileran eskualdeko osasun publikoaren sareak dituen arazoen inguruan hitz egingo dute eta esan dute gai hori ez dagokiola garapen agentziari. Era berean, Tolosaldea Garatzeneko lehendakaria garapen agentzia erabiltzen ari dela salatu dute, eta bilera deialdia Tolosaldea Garatzeneko kide ez diren hainbat herritako alkatetzara bidali izana gaitzetsi dute. Bilera deialdia bertan behera uzteko eskatu diote.
Tolosaldeko ospitale publikoa
Osasun publikoari buruz egitekoak diren bilera bertan behera uzteko eskatu dute
Larraulgo eta Berrobiko alkate sozialistek eskualdeko osasun sareari buruz hitz egiteko jasotako bilera deialdia gaitzetsi dute. Tolosaldea Garatzeneko lehendakariaren eskutik jaso dutela esan dute, eta bi alkateen iritziz garapen agentziari ez dagokio gai hori lantzea.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!