Asteburu honetan erabakiko da Herriarteko Pilota Txapelketan final-zortzirenetan zeinek egiten duen aurrera. Eskualdean jokatuko diren norgehiagoken artean, eskuz Amezketa eta Bidania-Goiatz artekoa bihar izango da, Amezketan, 11:30ean, Larrunarri frontoian. Bidania-Goiatz 2-1 aurretik doa kanporaketan. Gomazko paletan, beste derbia izango da, Anoeta eta Amasa-Villabona artean, eta bihar jokatuko da norgehiagoka, Anoetako frontoian, 10:00etan hasita. Anoeta 3-0 irabazten ari da. Gomazko paletan ere, Tolosak Azpeitia hartuko du, bihar, Ibarrako Belabieta frontoian, 17:00etatik aurrera. Tolosa 2-1 doa aurretik.
Lehian dauden beste hiru herriak eskuz ari dira, eta etxetik kanpo jokatuko dute. Adunak Ataunen aurka jokatuko du, 1-2 galdu ondoren joaneko norgehiagokan. Alegiak Zestoa du aurkari, eta 3-0 irabazten ari da kanporaketan. Tolosak Andoainen aurka jokatuko du, eta 2-1eko abantaila du norgehiagokan.