Pistako txirrindularitzako Nazioen Kopa jokatu zen aurreko asteburuan Hong Kongeko belodromoan. Eukene Larrarte tolosarrak hiru probetan parte hartu zuen eta maila oso ona eman du. Domina eta guzti lortu zuen Larrartek, brontzezkoa, Kanporaketa proban.
Horrez gain, beste bi probetan parte hartu zuen. Omniumean seigarren postuan amaitu zuen, baina laugarren postua puntu bakarrera izan zuen. Madisonean, Tania Calvorekin batera parte hartu zuen, laugarren postua lortuz, 26 punturekin, brontzezko dominatik zazpi puntura.
Lehiaketak ez du etenaldirik izango, asteburu honetan Espainiako Txapelketa jokatuko baita, Palmako Illes Balears belodromoan. Omnium eta Madison probak izango dira jokoan, eta bietan izango da Larrarte. Bigarreangoan, ohi bezala, bikotea osatuko du Tania Calvorekin. Omniumean Naia Amondarain ibartarrak ere parte hartuko du.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
