Oso borrokatua izan zen lasterketa, lehen bost parte hartzaileak hiru minuturen barruan sailkatu baitziren. Irabazlea Asier Larruzea Euskal Selekzioko korrikalaria izan zen eta bere denbora 3.00.03koa izan zen. Andres Garcia izan zen bigarren, 3.01.41ko denbora eginez eta hirugarren Javier Goitia izan zen, 3.01.59ko denborarekin.
Iñaki Olano altzotarra ere Euskal Selekzioaren deialdian sartuta zegoen proba horretara joateko, baina aurreko Espainiako Kopan min hartu zuen belaunean, erorketa baten ondorioz, eta oraindik ez da berreskuratu lesiotik.