Gizonezkoen lehen hamar postuetan eskualdeko beste bi lasterkari sailkatu ziren: Ibai Madina berrobitarra seigarren izan zen, 1.17.25ko denbora eginez, eta Eneko Garain billabonatarra zortzigarren, 1.18.47ko denborarekin.
Emakumezkoetan eskualdeko parte hartzaile bakarra izan zen proban, Aitana Amondarain tolosarra, eta seigarren postuan amaitu zuen, 1.42.08ko denbora eginez. Lehen postua Eztizen Duque portugaletearrak lortu zuen, 1.24.33ko denborarekin.
Lehen aldiz egin da Aiako Harria Mendi Lasterketa, Arritxulo Aterpetxeko kideek antolatuta. Eguraldi euritsu eta haizetsuarekin egin zuten lasterketa bukatu zuten 164 kirolariek. Lasterketa egiteaz gain, martxa ere antolatu zen eta 47 ibiltarik parte hartu zuten.