Tolosaldean 45 urtetik gorakoena da langabetu gehien dagoen adin tartea. Lortzen programaren bitartez, multzo horretako pertsonen aktibazioa eta lan-aukerak sustatu nahi dira. Horretarako, bi esparrutan egiten da lan: formazioan eta orientazioan.
1. Formazioa
100 orduko doako formazio teknikoa eskaintzen da, lehenengo. Aurten aukeratutako gaia biltegiko lanen eta bezeroen arretaren ingurukoa da. Ikastaroan, irakatsiko dira, produktuak antolatzeko, eskaerak prestatzeko, bezeroei arreta emateko, kutxa erregistratzaileak erabiltzeko eta merkataritza elektronikoa ulertzeko gako eta teknikak.
2. Orientazioa
Taldekako nahiz banakako orientazio saioak ere tartekatzen dira, laneratzeko beharrezkoak diren gaitasun profesional, pertsonal eta emozionalak garatzeko: sormena, ardura, enpatia, talde-lana, gatazken kudeaketa, konfiantza, auto-motibazioa, iniziatiba... Laneko banakako segimendua ere egingo da.
3. Noiz egingo da?
Saioak ekainaren 1etik uztailaren 6ra izango dira, astelehenetik ostiralera, 08:30etik 14:30era, Lehiberri Zentroan.
4. Nola eman izena?
Parte hartzeko lan@tolosaldea.eus helbidera idatzi edo www.tolosaldeagaratzen.eus webeko formularioa bete beharko da. Taldea osatu aurretik, izena ematen duten guztiei elkarrizketak egingo dizkie Enplegu Sailak, programarako baldintzak betetzen dituztela ziurtatzeko.
Tolosaldea Garatzen | Enplegu Saila
Lehiberri Zentroa
Apattaerreketa Industrigunea, 1
lan@tolosaldea.eus
943 654 501