Osasun sailak emandako datuen arabera, 6.172 test diagnostiko egin zituzten atzo, eta horietatik, 276 (%4,5) positiboak izan ziren. Tolosaldean, 11 (Tolosan 6, Anoetan 2 eta Altzon, Bidania-Goiatzen eta Ibarran bana) positibo atzeman zituzten. Larunbatean, 6.299 test egin zituzten eta 281 (%4,5) izan ziren positiboak. Tolosaldean, 8 positibo izan ziren (Tolosan 7 eta Amezketan 1). Ostiralean, berriz, 8.929 test egin zituzten eta 407 (%4,6) izan ziren positiboak. Tolosaldean 12 (Tolosan 10 eta Abaltzisketan eta Berastegin bana) positibo atzeman zituzten.
5.000 biztanletik gorako Tolosaldeko herrien kasuan, Amasa-Villabona kolore horian dago, 236ko tasarekin eta Tolosak gorrian jarraitzen du, 613ko tasarekin. Osasun eremuei dagokienez, Alegiakoa (223) eta Ibarrakoa (255) horian daude, Tolosakoa (576) gorrian eta Villabonakoa (344) laranjan. Tolosaldeko ESIa (352) laranjan dago.
Ospitaleen egoerari dagokionez, COVIDaren ondorioz 24 pertsona ospitaleratu zituzten atzo, denera, 281 pertsona daude ospitaleetan, eta COVIDa duten 146 pertsona ZIUn daude