Lortzen programa 45 urtetik gorako langabeak formatzeko proiektua da, lan-munduan sartzeko aukerak handitu ditzaten. Bi esparrutan egiten da lan; doako formazio teknikoa eta taldeko nahiz banakako orientazio saioak.
Formazio teknikoa gai zehatz baten ingurukoa da eta aurten 100 orduko prestakuntza eskainiko du Fondo FormacioĢn Euskadik, biltegiko lanen eta bezeroen arretaren inguruan. Besteak beste, produktuak antolatzeko, eskaerak prestatzeko, bezeroei arreta emateko, kutxa erregistratzaileak erabiltzeko eta merkataritza elektronikoa ulertzeko gako eta teknikak irakatsiko dira saioetan. Ekainaren 1etik uztailaren 6ra, astelehenetik ostiralera, 08:30etik 14:30era izango dira, Lehiberri zentroan.
Taldekako nahiz banakako orientazio saioekin formazio teknikoa tartekatzen dute, eta helburua da, laneratzeko beharrezkoak diren gaitasun profesional, pertsonal eta emozionalak garatzea. Hala nola, sormena, ardura, moldagarritasuna, enpatia, talde-lana, gatazken kudeaketa, konfiantza, ziurtasuna, autokontrola, automotibazioa edo iniziatiba. Laneko banakako segimendua ere egingo dute.
Taldea osatzen ari da orain Enplegu Saila, eta parte hartu edo informazio gehiago eskuratu nahi dutenek, lan@tolosaldea.eus helbidera idatzi edo tolosaldeagaratzen.eus web orriko Lortzen programaren gunean datuak bete beharko dituzte.