Osasun sailak emandako datuen arabera, 8.473 test diagnostiko egin zituzten atzo, eta horietatik, 393 (%4,6) positiboak izan ziren. Gipuzkoan, 111 zenbatu dituzte, tartean, 8 Tolosaldean.
5.000 biztanletik gorako Tolosaldeko herrien kasuan, Amasa-Villabona kolore laranjan dago 321eko tasarekin, eta Tolosak kolore gorrian jarraitzen du, 592ko tasarekin.
Osasun eremuei begiratuta, Alegiakoa (253) eta Ibarrakoa (293) horian daude, Tolosakoa (552) gorrian eta Villabonakoa (381) laranjan. Tolosaldeko ESIa (367) kolore laranjan dago.
Ospitaleen egoerari dagokionez, COVIDaren ondorioz 40 pertsona ospitaleratu zituzten atzo, denera, 295 pertsona daude ospitaleetan, eta COVIDa duten 148 pertsona ZIUn daude.