Osasun sailak emandako datuen arabera, 9.682 test diagnostiko egin zituzten atzo, eta horietatik, 457 (%4,7) positiboak izan ziren. Gipuzkoan, 152 atzeman zituzten, tartean, 8 Tolosaldean.
5.000 biztanletik gorako Tolosaldeko herrien kasuan nabarmentzekoa da Amasa-Villabona kolore gorritik laranjara pasa dela, 354ko tasarekin. Tolosak gorriz jarraitzen du, 592ko tasarekin. Osasun eremuei dagokienez, Alegiakoa (268) kolore horian dago, Ibarrakoa (344) laranjan eta Tolosakoa (552) eta Villabonakoa (444) gorrian. Tolosaldeko ESI (397) gorritik laranjara pasa da.
Ospitaleen egoerari dagokionez, COVIDaren ondorioz 59 pertsona ospitaleratu zituzten atzo, denera, 336 pertsona daude ospitaleetan, eta COVIDa duten 153 pertsona ZIUn daude.