Tolosaldeko euskara taldeak esan du "herri asko, aste kulturalak edo kultur programa bat osatu nahian, ze ekitaldi antolatu jakin ezinik" ibiltzen dela, eta ondorioz ikuskizunak, hitzaldiak, emanaldiak edo dena delakoak eskainiko dituen sortzaile euskaldunen informazioa jendearen eskura jartzeko beharra ikusi duela. Ikasturte guztian zehar edo epe laburragoan ikastaroak euskaraz emateko prest dagoen pertsonen zerrenda osatu nahi du ere. Horiek horrela, Tolosaldean emanaldi edo ikastaroak eskaintzeko prest daudenei inprimaki bat betetzeko aukera eman die. Behin gida amaituta udalen eta eragileen esku utziko du.
Euskaraz egiten duten Tolosaldeko kultur sortzaileen gida osatzen ari da Galtzaundi euskara taldea, eta laguntza eskatu du.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!