Osasun sailak emandako datuen arabera, 11.268 test diagnostiko egin zituzten atzo, eta horietatik, 673 (%6,0) positiboak izan ziren. Gipuzkoan, 237 izan ziren, tartean, 19 Tolosaldean.
5.000 biztanletik gorako Tolosaldeko herrien kasuan, Amasa-Villabonan (659) eta Tolosan (639) kolore gorrian jarraitzen dute. Osasun eremuei dagokienez, Alegiakoa gorritik laranjara pasa da, 327ko tasarekin, eta gainerakoak, Ibarrakoa (522), Tolosakoa (605) eta Villabonakoa (814), alegia, gorriz jarraitzen dute. Baita, Tolosaldeko ESIak (557) ere.
Ospitaleen egoerari dagokionez, COVIDaren ondorioz 50 pertsona ospitaleratu zituzten atzo, denera, 425 pertsona daude ospitaleetan, eta COVIDa duten 183 pertsona ZIUn daude.