Osasun sailak emandako datuen arabera, 8.363 test diagnostiko egin zituzten atzo, eta horietatik, 506 (%6,1) positiboak izan ziren. Tolosaldean, 12 positibo izan ziren atzo: Tolosan 8 eta Altzon, Amezketan, Berastegin eta Ibarran bana.
Larunbatean, 8.120 test egin zituzten, eta 585 (%7,2) izan ziren positiboak. Tolosaldean, 8 positibo atzeman zituzten: Tolosan 5 eta Alegian, Anoetan eta Ibarran bana.
Ostiralean, 11.349 test egin zituzten, eta 769 (%6,8) izan ziren positiboak. Tolosaldean 16 positibo izan ziren: Tolosan 6, Amasa-Villabona 5, Anoetan 2 eta Alegian, Altzon eta Ibarran bana.
Osasun eremuei begiratuta, Alegia (551), Ibarra (624), Tolosa (614) eta Villabonakoa (901) gorrian daude, baita Tolosaldeko ESIa (624) ere.
Ospitaleen egoerari dagokionez, COVIDaren ondorioz 45 pertsona ospitaleratu zituzten atzo, denera 520 pertsona daude ospitaleetan, eta COVIDa duten 195 pertsona ZIUn daude.