Jokin Urretabizkaia Basozabal, Hodei Ezpeleta, Ibon Garaiburu, Endika Goia, Iker Ibarrondo, Xuban Kañamares V, Axel Larrañaga, Oier Larretxea, Miguel Martin, Suharri Rodriguez, Unai Zabala eta Markel Zapiain aizkolariek hartu dute parte gaurko ekitaldian, Berastegiko frontoian. Dozena aizkolari nor baino nor publikoari erakutsiz.
Aizkolari bakoitzak bina enbor moztu behar izan ditu. Hiru txandatan aritu dira, launa aizkolari. Denbora hoberena lortu duten sei aizkolarik bigarren fase bat jokatu dute. Hiru txanda izan dira hor ere, eta bina aizkolari aritu dira txanda bakoitzean. Kañamares V.a Markel Zapiaien aurka, Basozabal Suharri Rodriguezen aurka, eta Hodei Ezpeleta Axel Larrañagaren aurka. Azken horretan, azkarren moztea lortu dutenek txapelketan aurrera egitea lortu dute.
Hurrengo faserako txartela lortu duten aizkolariak beraz: Jokin Urretabizkaia Basozabal, Xuban Kañamares V eta Hodei Ezpeleta izan dira. Hamabi aizkolarietatik hirurentzat baino ez zegoen klasifikatzeko aukerarik.
Herri kirol festa
Bestetik, Hiru Hamarreko Harri-jasotze Txapelketan Mikel Lopategi Urra eta Iñigo Eizagirre Eiza aritu dira lehian. Hiru harri erabili dituzte: 125 kiloko zilindro zaharra, 125 kiloko kubikoa eta 125 kiloko bola.
Azkenik, Emakumezkoen Harri-jasotze Txapelketan, Karmele Gisasola Zelai III.a aritu da.
Argazkiak: Irati Saizar Artola.