Osasun sailak emandako datuen arabera, 11.986 test diagnostiko egin zituzten atzo, eta horietatik, 876 positiboak izan ziren. 386 Gipuzkoan atzeman zituzten, tartean, 24 Tolosaldean.
Nabarmentzekoa da Anoetan azken egunetan izan den kutsatze kopurua, zehazki 23 azken zazpi egunetan, eta 15 azken bi egunetan. Gainerakoan, 5.000 biztanletik gorako Tolosaldeko herrien kasuan, Amasa-Villabonak (946) eta Tolosak (726) kolore gorrian jarraitzen dute.
Osasun eremuei begiratuta, Alegiakoa (699), Ibarrakoa (637), Tolosakoa (685) eta Villabonakoa (983) kolore gorrian daude, baita Tolosaldeko ESIak (689) ere.
Ospitaleen egoerari dagokionez, COVIDaren ondorioz 83 pertsona ospitaleratu zituzten atzo, denera, 527 pertsona daude ospitaleetan, eta COVIDa duten 192 pertsona ZIUn daude.
Bestalde, apirilaren 19tik 25ra bitarte, COVIDaren eraginez 49 pertsona hil direla adierazi du Osasun sailak.