Argazki bera ikusi ahal izan zen Gorlako Igoerako proban: Iribar taldekide batekin iritsi zen helmugara eta orduan ere ofizialki bigarren egin zuen.
Lazkaomendin bukatzen zen Lazkaoko proba, azken aldapa piko batekin eta hori baliatu zuten bi taldekideek azken 500 metroetan ihes egin eta helmugara iristeko. «Ez genuen hitz egin zeinek lehenengo gurutzatu marra, baina aurreko asteburuan Duranako proba irabazi nuenean, Muriasek erritmo indartsu bat jarri zuen tropela hausteko nik ihes egin aurretik. Beraz, aurrekoan nik irabazi nuen eta oraingoan berari tokatzen zitzaion», esan du Iribarrek.
LARRARTE ETA AMONDARAIN
Espainiako Kopako proba bat jokatu zen igandean, Beasainen, I. Igartza Sari Nagusia izenarekin, eta bertan maila nagusian parte hartu zuten Eukene Larrarte Laboral Kutxako tolosarrak eta Naia Amondarain Sopela Women's Team taldeko ibartarrak. Larrarte zortzigarren izan zen helmugan eta Amondarain hamaseigarren.
Argazkiak: KARLIS