Osasun sailak emandako datuen arabera, 10.907 test diagnostiko egin zituzten atzo, eta horietatik 978 (%9,0) positiboak izan ziren. Gipuzkoan, 431 atzeman zituzten, tartean, 44 Tolosaldean.
5.000 biztanletik gorako Tolosaldeko herrien kasuan, Amasa-Villabonan (980) eta Tolosan (850) kolore gorrian daude. Osasun eremuei begiratuta, Alegiakoa (923), Ibarrakoa (752), Tolosakoa (792) eta Villabonakoa (920) gorrian daude. Baita Tolosaldeko ESIa (755) ere.
5.000 biztanletik beherako herrietan, zazpi dira azken zazpi egunetan 5 positibo edo gehiago izan dituzten eskualdeko herriak: Alegia (15), Anoeta (15), Asteasu (6), Elduain (8), Ibarra (22), Irura (7) eta Zizurkil (11).
Ospitaleen egoerari dagokionez, COVIDaren ondorioz 114 pertsona ospitaleratu zituzten atzo, denera, 554 pertsona daude ospitaleetan, eta COVIDa duten 173 pertsona ZIUn daude