2021. urtean udaleku irekiak egingo dituzte Alkiza, Aduna eta Larraulen. Aiztondo Zerbitzuen Mankomunitatetik jakinarazi duenez, COVID-19ren eraginez ezberdina izango da antolaketa: "Bizi dugun egoera aztertuta, aurtengoan talde bakoitza bere herrian geratuko da ekintza edo aktibitate ezberdinak eginez".
- Ludoteka zerbitzua izango dute 3 eta 6 urte artekoek, 09:00etatik 13:00etara.
- Udalekua, berriz, 6 eta 12 urte artekoek, 09:00etatik 13:00etara.
Parte hartzeko ume bakoitzak 95 euro ordaindu beharko ditu eta bigarren senideak merkeago izango du matrikula, 85 euroan. Informazio gehiago Aduna (943 692 689 edo kultura@aduna.eus), Larraul (634 289 327 edo kultura@larraul.eus) eta Alkizako (688 604 466 edo kultura@alkiza.eus) udaletara jo daiteke. Maiatzaren 7a da izen emateko azken eguna.