Zergatik erabaki zenuen Lanbide Heziketa egitea?
Lanbide heziketako ikasketak egitea aukeratu nuen lan munduarekin duen hurbiltasunagatik, ikasketak era praktikoagoan egiten direlako lan munduan oinarrituz.
Zer moduz ikasten ari zaren zikloan? Zaila egiten ari al zaizu?
Nire kasuan, lehenengo urtean nagoela kontuan izanda, erabat harrituta utzi nau ikasteko erabiltzen den metodoak, ETHAZIk. Niretzako berria da eta momentuz aurreko ebaluaketetan ateratako emaitzekin ondo noala esango nuke.
Zer esango zenuke Lanbide Heziketari buruz?
Lanean hasteko formarik egokiena dela uste dut. Ikasketak lan mundura egokituta daude eta eskola eta enpresaren arteko hartu-emana etengabea da.
Gustura al zaude egindako aukerarekin eta lortu duzunarekin?
Momentuz gustura nagoela esango nuke.
Erdi mailako kimikagintzako heziketa zikloko lehenengo maila egiten ari da Unai Hernandez Jauregi, Don Bosco LHII Paper Eskola ikastetxean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!