Arratsaldean hodei-geruza trinkotu egingo da eta ez da baztertzen barnealdetik euri pixka bat sartzea. Hala ere, ezer gutxi izango da eta gehienean ateri eutsiko dio. Haizeak ipar-mendebaldetik joko du eta tenperatura jaitsi egingo da, 15-16 graduan joaz goia.
Giro nahiko lasaia izango dugu bihar. Goizean eguraldi polita izango da, orokorrean ostarte zabalak izango ditugularik. Arratsaldean aldiz, hodei-geruza trinkotu egingo da eta tantaren bat edo beste egingo du. Hala ere, gutxi izango da eta leku gehienetan ateri eutsiko dio. Haizeak goizean hego-ekialdetik joko du. Arratsaldean aldiz ipar-ekialdetik finkatuko da. Tenperatura igo eta 17-18 graduan joko du goia.