Osasun sailak emandako datuen arabera, 11.274 test egin zituzten atzo, eta horietatik, 1.003 (%8,9) positibo izan ziren. Gipuzkoan, 456 positibo atzeman zituzten, tartean, 25 Tolosaldean.
5.000 biztanletik gorako Tolosaldeko herrien kasuan, Amasa-Villabonan (507) eta Tolosan (762) kolore gorrian jarraitzen dute. Osasun eremuei dagokienez, Alegiako (595), Ibarrako (548), Tolosako (739) eta Villabonako (645) eremuak gorrian daude. Baita, Tolosaldeko ESIa ere.
Ospitaleen egoerari dagokionez, COVIDaren ondorioz 90 pertsona ospitaleratu zituzten atzo, denera 433 pertsona daude ospitaleetan, eta COVIDa duten 133 pertsona ZIUn daude.
Bestalde, apirilaren 5etik 11ra bitarte, COVIDaren ondorioz 26 pertsona hil direla adierazi du Osasun sailak.