Haurreskolak Partzuergoak 20 haur eskola ditu eskualdean, eta dagoeneko haur txikienek matrikula egiteko aukera dute. Albiztur, Alegia, Alkiza, Altzo, Amasa-Villabona, Amezketa, Anoeta, Asteasu, Baliarrain, Berastegi, Berrobi, Elduain, Ibarra, Ikaztegieta, Irura, Larraul, Lizartza, Orendain, Tolosa eta Zizurkilen daude haur eskolak, eta hilaren 21a izango da izen emateko azken eguna.
2020 eta 2021ean jaiotako haurrek izango dute izena emateko aukera, 0 eta 2 urte arteko zerbitzua eskaintzen duten herrietan. Aldiz, eskolarik ez duten herrietan, 0-3 urte arteko haurrek egin beharko dute matrikula.
Internet bidez egin daiteke izen ematea www.haurreskolak.eus webgunearen bidez, edo herriko haur eskoletara bertara hurbilduta egin ahal izango da izen ematea. Horrez gain, edozein zalantza argitzeko prest izango dira bertako hezitzaileak.