Osasun sailak emandako datuen arabera, 11.038 test diagnostiko egin zituzten atzo, eta horietatik, 788 positiboak izan ziren. Gipuzkoan, 296 atzeman dituzte, tartean, 28 Tolosaldean.
5.000 biztanletik gorako herrien kasuan, Amasa-Villabonak kolore horian jarraitzen du 202ko intzidentzia tasarekin, eta Tolosak gorrian, 664ko tasarekin. Osasun eremuei begiratuta, Alegiakoa (476), Ibarrakoa (443) eta Tolosakoa (624) kolore gorrian daude, eta Tolosaldeko ESIa (457) ere 400eko langatik gora dago.
Lurraldeei begira, Gipuzkoa ere kolore gorrira pasa da, azken hamabost eguneko intzidentzia metatua 412koa delarik.
Ospitaleen egoerari dagokionez, COVIDaren ondorioz 65 pertsona ospitaleratu zituzten atzo, denera, 366 pertsona daude ospitaleetan, eta COVIDa duten 103 pertsona ZIUn daude.
Bestalde, martxoaren 29tik apirilaren 4ra bitarte, COVIDaren ondorioz, 26 pertsona hil direla adierazi du Osasun sailak.