Osasun sailak emandako datuen arabera, 8.193 test diagnostiko egin zituzten atzo, eta horietatik, 631 positiboak izan ziren. Gipuzkoan, 210 positibo izan ziren, tartean, 18 Tolosaldekoak.
5.000 biztanletik gorako Tolosaldeko herrien kasuan, Amasa-Villabonak 185,91eko tasa du, beraz, kolore horian dago, eta Tolosa, 365,98ko tasarekin, kolore laranjarekin dago. Osasun eremuei begira, Alegiakoa (461,65) kolore gorrian dago, Tolosakoa (312,21) laranjan, eta Ibarrakoa (216,81) eta Villabonakoa (256,75) horian. Tolosaldeko ESIa (287,75) kolore horian dago.
Ospitaleen egoerari dagokionez, COVIDaren ondorioz 39 pertsona ospitaleratu zituzten atzo, eta COVIDa duten 84 pertsona ZIUn daude.