Aurpegikoen kasuan, kosmetika konbentzionaletik harago, krema birsortzaileen linea batekin egiten du lan, Dermia Solutionekin, zehazki. Denborarekin zelulek beren funtzioa galtzen dute gutxika, eta linea horrek zelula horiek aktibatu egiten ditu. Gainazaletik barrurako lana egiten du beraz, baina baita barrutik kanporakoa ere. Hidratazio falta, azalaren ahultasuna edota zimurrei aurre egiteko punta-puntako produktuak dira. Garbitzeko xaboia, esfoliatzailea, seruma, begi ingururako krema edota aurpegirako krema eros daitezke, azal lehor nahiz mistoarentzat. Ingurumenari ere begiratzen dio marka alemanak: lehen erosketan ontzia erosita, berriro behar denetan produktua berriz kargatzeko aukera ematen du ontzia erosi gabe. Etxeko tratamenduaz gain, kabinako tratamendua ere eskaintzen da Onditz zentroan.
Horrez gain, argizari eta laser bidezko depilazioa egiten du. Solarium zerbitzua ere eskaintzen du. Egun arrunt zein ezkontzetarako makillajeak egiten ditu eta baita manikura eta pedikurak ere. Bezeroarentzat hoberena bilatzen saiatzen da Onditz. Bakoitzak lortu nahi duen hori lortzen ahalegintzen da, bide horretan bezeroa entzun, gomendioak eman eta zainduz.
- Helbidea: Nafarroa etorbidea, 1, behea (Tolosa)
- Telefono zenbakia: 943 96 89 93
- Webgunea: onditz.eus