Osasun sailak emandako datuen arabera, 5.632 test diagnostiko egin zituzten atzo, eta horietatik, 362 (%6,4) positiboak izan ziren. Tolosaldean, 12 (Tolosan 4, Iruran eta Leaburu-Txaraman bina eta Altzon, Asteasun, Ibarran eta Amasa-Villabonan bana) izan ziren positiboak.
Larunbatean, 8.042 test egin zituzten, eta 467 (%5,8) izan ziren positiboak. Tolosaldean, 17 (Tolosan 9, Anoetan 4 eta Amezketan eta Baliarrainen bina) positibo atzeman zituzten. Eta, ostiralean, 10.254 test eginda, 592 (%5,8) izan ziren positiboak. Tolosaldean, 19 (Tolosan 10, Iruran 2 eta Adunan, Amezketan, Anoetan, Asteasun, Baliarrainen, Ibarran eta Leaburu-Txaraman bana) izan ziren positiboak.
Osasun eremuei begiratuta, Alegiakoa dago 400dik gora, 491ko tasarekin.
Ospitaleen egoerari dagokionez, COVIDaren ondorioz 24 pertsona ospitaleratu zituzten atzo, eta COVIDa duten 85 pertsona ZIUn daude.