Aiztondo Zerbitzuen Mankomunitateak udaleku irekiak antolatuko ditu, ekainaren 21etik uztailaren 16ra. Udaleku horietan begirale lanak egiteko deialdia zabalik izango da martxoaren 22tik apirilaren 16ra.
Bete beharreko baldintzak zehaztu dituzte Aiztondo Zerbitzuen Mankomunitatetik: 18 urte beteta izatea;Derrigorrezko Bigarren Hezkuntza titulua izatea; Euskara ulertu eta ongi hitz egitea; Elkarrizketa eta talde dinamika gainditzea; Currikuluma eta agiriak aurkeztea. Era berean, aisialdiko zuzendari edo begirale titulua izatea hartuko da kontuan, baita gaiarekin loturiko ikasketa edo prestakuntza ikastaroak eginda edukitzea, lan esperientzia edo EGA titulua izatea.
Martxoaren 22tik apirilaren 16ra bitartean eman beharko da izena eta begiraleen elkarrizketa apirilaren 30ean egingo da, Adunan. Xehetasun gehiago, Aduna, Alkiza eta Larraulgo udaletako web orrialdeetan izango dute interesatuek.