Osasun sailak emandako datuen arabera, 8.907 test diagnostiko egin zituzten atzo, eta horietatik, 410 positiboak izan ziren. Gipuzkoan, 133 izan ziren positiboak, tartean, eskualdeko 13.
5.000 biztanletik gorako Tolosaldeko herrien kasuan, Tolosan 386,60koa da azken hamabost eguneko intzidentzia tasa, eta Villabonan 101,40koa, ondorioz kolore laranjan eta horian daude hurrenez hurren. Osasun eremuei dagokienez, Alegiakoa (699,93) kolore gorrian dago, Ibarrakoa (408,11) eta Tolosako (369,85) kolore laranjan eta Villabonakoa (144,03) horian. Tolosaldeko ESIa (302,74) kolore laranjara pasa da gaur.
Ospitaleen egoerari dagokionez, COVIDaren ondorioz 41 pertsona ospitaleratu zituzten atzo, eta COVIDa duten 93 pertsona ZIUn daude.