Koronabirusa

Lau positibo izan dira Tolosaldean azken egunean

Tolosan bi eta Amasa-Villabonan eta Orendainen positibo bana atzeman dituzte.

Osasun sailak emandako datuen arabera, 8.874 test diagnostiko egin zituzten atzo, eta horietatik, 402 positiboak izan ziren. Gipuzkoan, 118 izan ziren positiboak, tartean, eskualdean lau.

5.000 biztanletik gorako Tolosaldeko herrien kasuan, Tolosan 360koa da azken hamabost eguneko intzidentzia tasa, eta Villabonan 84koa. Osasun eremuei dagokienez, Alegiakoa (714) kolore gorrian dago, Ibarrakoa (433) eta Tolosako (345) kolore laranjan eta Villabonakoa (131) horian. Tolosaldeko ESIa (293) kolore horian dago.

Ospitaleen egoerari dagokionez, COVIDaren ondorioz 39 pertsona ospitaleratu zituzten atzo, eta COVIDa duten 101 pertsona ZIUn daude. Bestalde, martxoaren 8etik 14ra bitarte, COVIDaren ondorioz, 29 pertsona hil zirela adierazi du Osasun sailak.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!