Iazko Batzar Nagusian, eta hamaika urteren ostean pasa zion Saroi Jauregik lehendakaritzaren lekukoa Asier Azpirozi. Gidaritza taldea eramateko konpromisoa hartu zen orduan, eta zuzendaritza batzordea berrantolatu eta kide berriz osatu du Gipuzkoako Bertsozale Elkarteak. Lehendik osatuta zegoen taldean "identifikatutako hutsune batzuei erantzun asmoz" kide berriak batu dira zuzendaritzara, eta tartean da Zizurkilgo Unai Mendizabal, Aitor Urbieta, Ane Beloki, Ane Zuazubiskar, Maite Sukia eta Oihana Arangurenekin batera. Taldea lehendik ere batzordekide ziren Asier Azpirozek, Asier Iriondok eta Joxe Mari Altunak borobiltzen dute.
Aldiz, kide berriei lekua utzita atzoko batzarrean utzi zioten zuzendaritzakide izateari Alegiako Felix Irazustabarrenak eta Iker Iriartek, Villabonako Ander Goikoetxeak eta Abaltzisketako Adur Gorostidik, eta baita Saroi Jauregik eta Antton Fernandezek ere.