Osasun sailak emandako datuen arabera, 5.125 test diagnostiko egin zituzten atzo, eta horietatik, 214 (%4,2) positiboak izan ziren. Tolosaldean 9 (Tolosan 6 eta Ibarran, Lizartzan eta Zizurkilen bana) positibo atzeman zituzten. Larunbatean, 5.760 test egin zituzten, eta 247 (%4,3) izan ziren positiboak. Tolosaldean, 10 ( Tolosan 9 eta Ibarran bat) positibo atzeman zituzten. Ostiralean, berriz, 7.102 test egin zituzten, eta 307 (%4,3) positiboak izan ziren. Tolosaldean, 9 (Tolosan 5, Ibarran 2 eta Iruran eta Zizurkilen bana) positibo atzeman zituzten.
Osasun eremuei dagokienez, Tolosaldekoa (264) eta Villabonakoa (112) kolore horian daude, Alegiakoa (491) laranjan eta Ibarrakoa (688) gorrian. Tolosaldeko ESIa kolore horian dago, 256ko tasarekin.
Ospitaleen egoerari dagokionez, COVIDaren ondorioz 24 pertsona ospitaleratu zituzten atzo, denera, 262 pertsona daude Gipuzkoa, Bizkaia eta Arabako ospitaleetan, eta COVIDa duten 118 pertsona ZIUn daude.