Sarek esan du emakume presoak emakume izateagatik «are bakartuago, are urrunduago aurkitzen» direla. «Sistema patriarkalaren adierazle garbienetakoa den kartzela sisteman zigor krudelago bat jasanez», gaineratu du. Euskal emakume presoen «zigor gehigarria» dutela nabarmen du beraz eta Elduaingo Anabel Egues presoa ekarri du gogora: «Dagoeneko 19 urtez espetxean, Asturiasera lekualdaketa onartua dioten arren gaur oraindik etxetik 826 kilometrora, Kordobako espetxean bakarturik dagoen elduaindarra». «Emakumeon ahalduntzerako eta sistema patriarkalaren desegiterako batzen garen mobilizazio egun hauetan beraz, espetxeak ere landu beharreko eremu gisa ulertu behar ditugu» nabarmendu du Sarek eta herritarrei larunbateko deialdiarekin bat egiteko eskatu. «Espetxe errealitate gordina behin betiko amaitzea jendarte osoari dagokigu, eta horretarako eta etxeratze prozesua garatu ahal izateko, bidea egiten jarraitu behar dugu. Eremu sozialean, politikoan, sindikalean, instituzionalean eta kalean!».