Osasun sailak emandako datuen arabera, 8.514 test diagnostiko egin zituzten atzo, eta horietatik, 366 (%4,3) izan ziren positiboak. Gipuzkoan 110 izan ziren positiboak, tartean, 13 Tolosaldean.
Eskualdeko 5.000 biztanle baino gehiagoko herrien kasuan, Amasa-Villabonak (67) eta Tolosak (159) kolore horian jarraitzen dute. Osasun eremuei dagokienez, Tolosakoa (144) eta Villabonakoa (93) kolore horian daude, Alegiakoa (312) laranjan eta Ibarrakoa (586) gorrian. Tolosaldeko ESIa (187) horian dago.
Ospitaleen egoerari dagokionez, 36 pertsona ospitaleratu zituzten atzo COVID-agatik, 268 pertsona da daude orotara ospitaleetan, eta 121 ZIUn daude.