Dementzia-Bizitzen programaren berri emateko asmoz, hitzaldia antolatu du Buru-Bihotzez elkarteak. Dementzia duten pertsonen familiei, profesionalei edota programan boluntario gisa parte hartu nahi dutenei zuzendutako saioa dela esan du elkarteak. Hitzaldia martxoaren 4an izango da, 18:00etatik 19:30era, Inmakulada Lanbide Ikastolan. Asier Arrizabalaga fisioterapeuta eta Igone Etxeberria EHUko Psikologia fakultateko irakasle eta ikertzailea izango dira hizlariak. Biak dira Desgaitasuna eta Zahartzaroa taldeko koordinatzaileak. 40 pertsonek jarraitu ahal izango dute hitzaldia Inmakuladan bertan, baina streaming bidez eskainiko dute ere.
Buru-Bihotzez elkarteak Dementzia-Bizitzen programa abiarazi du etxeetan bizi diren dementziadun pertsonei laguntzeko, eta horren berri emateko hitzaldia eskainiko dute martxoaren 4an, Inmakulada Lanbide Ikastolan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!