Osasun sailak emandako datuen arabera, 9.543 test diagnostiko egin zituzten atzo, eta horietatik, 405 positiboak izan ziren. Gipuzkoan, 103 positibo atzeman zituzten, tartean, 12 Tolosaldean.
5.000 biztanletik gorako Tolosaldeko herrien kasuan, Amasa-Villabona (67) eta Tolosa (113) kolore horian daude. Osasun eremuei dagokienez, Alegia (89), Tolosa (100) eta Villabonakoa (81) horian daude, Tolosaldeko ESIa (142) bezala, eta Ibarrakoa (433) laranjan.
Ospitaleen egoerari dagokionez, COVIDaren ondorioz 44 pertsona ospitaleratu zituzten atzo, orotara, 333 pertsona daude ospitaleetan, eta COVIDa duten 132 pertsona ZIUn daude.
Bestalde, otsailaren 15etik 21era bitarte, COVIDaren ondorioz 68 pertsona hil direla adierazi dute Osasun sailetik.