Osasun sailak emandako datuen arabera, 9.035 test diagnostiko egin zituzten atzo, eta horietatik, 423 positiboak izan ziren. Gipuzkoan, 106 atzeman zituzten, tartean, 12 Tolosaldean.
5.000 biztanletik gorako Tolosaldeko herrien kasuan, Tolosa (123) eta Amasa-Villabona (84) kolore horian ageri dira. Osasun eremuei begiratuta, Alegiako (74), Tolosako (110) eta Villabonakoa (93) horian daude, eta Ibarrakoa (356) laranjan. Tolosaldeko ESIa kolore horian dago, 137ko tasarekin.
Ospitaleen egoerari dagokionez, COVIDaren ondorioz 46 pertsona ospitaleratu ziren atzo eta COVIDa duten 134 pertsona ZIUn daude.