Koronabirusa

7 positibo ostiraletik igandera

Ibarran 3, Lizartzan 2 eta Asteasun eta Berastegin positibo bana atzeman dituzten azken egunetan. Ez dago eremu gorrian dagoen herririk Tolosaldean.

Osasun sailak emandako datuen arabera, 6.646 test diagnostiko egin zituzten atzo, eta horietatik, 303 positiboak izan ziren. Tolosaldean 3 positibo atzeman zituzten, Ibarran 2 eta Lizartzan bat.

Larunbatean, 6.295 test egin zituzten, eta 337 (%5,4) izan ziren positiboak. Eskualdean, positibo bakarra atzeman zuten, Lizartzan. Ostiralean, berriz, 9.747 test egin zituzten, eta 487 (%5,0) izan ziren positiboak. Tolosaldean, 3 izan ziren positiboak, Asteasun, Berastegin eta Ibarran bana.

5.000 biztanletik gorako eskualdeko herrien kasuan, Amasa-Villabona (101) eta Tolosa (123) kolore horian daude. Osasun eremuei dagokienez, Alegia (74), Tolosa (115) eta Villabonakoa (87) kolore horian ageri dira, eta Ibarra (331) laranjan dago.

Ospitaleen egoerari dagokionez, COVIDaren ondorioz 27 pertsona ospitaleratu zituzten atzo, orotara, 396 pertsona daude ospitaleetan, eta COVIDa duten 145 pertsona ZIUn daude.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!