Tolosaldeko Amnistiaren Aldeko Mugimenduak deituta, Ibarran ostiral arratsaldean elkarretaratzea egin zuten Pablo Hasel rap abeslariari elkartasuna adierazteko. Iragan asteartean atxilotu zuten Hasel eta ordutik protesta ekitaldi ugari egin dituzte adierazpen askatasuna aldarrikatzeko. Ibarran 100 pertsona inguru elkartu ziren plazan egin zuten elkarretaratzean.
Larunbatean, berriz, Tolosan egin zuten eskualde mailako protesta, Tolosaldeko Kontseilu Sozialistak deituta, eta bertan ere ehunka herritar batu ziren abeslariari babesa ematera.