Anoetako eta Irurako Gazteria sailek hainbat tailer antolatu dituzte martxoaren 8ari begira. Bi saio egingo dituzte: hilekoaren ingurukoa bata, eta maskulinitateari buruzkoa, bestea.
Lehena Anoetako eta Irurako Gaztelekuetako neskei dago bideratuta eta Anoetako Gaztelekuan egingo dute. Tailerra Veronica Satrustegik gidatuko du eta 16:30etik 18:30era iraungo du.
Bigarrena, berriz, Anoetako eta Irurako Gaztelekuetako mutilei zuzenduta dago eta Julen Rodriguez izango da saioko gidaria. Irurako Gaztelekuan izango da, hau ere 16:30etik 18:30era.
Bi tailerrak martxoaren 6an egingo dituzte eta izena ematea bi Gaztelekuetan egin daiteke, otsailaren 28ra arte.