Labiren hurrengo bilera martxoaren 5ean izango da eta ordura arteko neurrien berri eman du gaur, Iñigo Urkullu lehendakariak. Orain arteko neurriez gain esan du mugakideak diren herrien arteko mugikortasuna baimenduko dutela, beti ere jarduera sozioekonomikoak edo kirola aire librean egiteko, eta herrietako intzidentzia tasa 500etik beherakoa bada. Neurri berriak astelehenetik aurrera egongo dira indarrean.
Horiek horrela lehiaketa profesionala edo erdi-profesionala egiten duten taldeen entrenamenduetarako eta lehiaketetarako herri batetik bestera joan ahal da eta eremu gorrian ez dauden udalerrien arteko joan-etorriak baimenduta egongo dira baita ere federatutako kirolarien lehiaketa eta entrenamenduetarako, eskola kiroletako entrenamenduetarako, gimnasio, kirol klubak edo kiroldegietako ikastaro edo jardueretan parte hartzeko.
EAEko Auzitegi Nagusiak tabernak irekitzeko hartutako erabakiaren inguruan esan du ez dutela bat egiten ezta ulertzen ere, eta nabarmendu du Eusko Jaurlaritzak ez duela inor egoeraren errudun egiten.