Osasun sailak emandako datuen arabera, 13.437 test diagnostiko egin zituzten atzo, eta horietatik, 748 positiboak izan ziren. Gipuzkoan, 208 positibo atzeman zituzten, tartean, 9 Tolosaldean.
5.000 biztanletik gorako eskualdeko herrien kasuan, Amasa-Villabona kolore horian dago, 287ko tasarekin, eta Tolosa gorrian, 551ko tasarekin.
Ospitaleen egoerari dagokionez, COVID-aren ondorioz 99 pertsona ospitaleratu zituzten atzo, orotara, 547 pertsona daude ospitaleetan, eta COVID-a duten 165 pertsona ZIUn daude. Bestalde, otsailaren 01etik 07ra bitarte COVID-aren ondorioz, 99 pertsona hil direla azaldu du Osasun sailak.