Osasun sailak emandako datuen arabera, 15.083 test diagnostiko egin zituzten atzo, eta horietatik, 1.020 (%6,8) positiboak izan ziren. Gipuzkoan, 320 atzeman zituzten, tartean, 16 Tolosaldekoak.
Tolosak kolore gorrian jarraitzen du, 582ko tasarekin. Osasun eremuei dagokienez, Alegiakoa (327) eta Ibarrakoa (445) kolore laranjan daude eta Tolosakoa (557) eta Villabonakoa (532) gorrian.
Ospitaleen egoerari dagokionez, COVIDaren ondorioz 84 pertsona ospitaleratu ziren atzo, orotara, 573 pertsona daude ospitaleetan, eta COVIDa duten 156 pertsona ZIUn daude.