Osasun sailak emandako datuen arabera, 16.592 test diagnostiko egin zituzten atzo, eta horietatik 1.057 positiboak izan ziren. Gipuzkoan, 333 positibo izan ziren, tartean, 14 Tolosaldekoak.
Tolosan atzo 6 positibo izan ziren, eta 613ko tasarekin kolore gorrian jarraitzen du. Eskualdeko 5.000 biztanletik gorako beste herrian, Amasa-Villabonan, atzoko bi positiboekin, 422ko tasa dute, beraz, kolore laranjan dago. Osasun eremuei dagokienez, Alegiakoa (342) eta Ibarrakoa (432) kolore laranjan daude, eta Tolosakoa (586) eta Villabonakoa (532) gorrian.
Ospitaleen egoerari dagokionez, COVIDaren ondorioz 98 pertsona ospitaleratu zituzten atzo, orotara, 591 pertsona daude ospitaleetan, eta COVIDa duten 155 pertsona ZIUn daude.
Bestalde, Osasun sailak jakinarazi duenez, urtarrilaren 25etik 31ra bitartean COVIDaren ondorioz 85 pertsona hil dira.