Osasun sailak emandako datuen arabera, 13.184 test egin zituzten atzo, eta horietatik, 908 izan ziren positiboak (%6,9). Gipuzkoan, 259 positibo atzeman zituzten, tartean, 17 Tolosaldekoak.
Tolosak 6 positibo gehiagorekin, kolore gorriarekin jarraitzen du, 670eko intzidentzia tasarekin. Osasun eremuei dagokienez, Alegiakoa (357) eta Ibarrakoa (432) kolore laranjarekin daude, eta Tolosakoa (639) eta Villabonakoa (519) kolore gorrian.
Bestalde, adinekoen egoitzei dagokionez, Tolosako Iurreamendin 5 positibo aktibo daude une honetan, atzo positibo berri baten berri eman zuten, eta egoiliar bat hil dela jakinarazi du Gipuzkoako Foru Aldundiak.