Koronabirusa

Anoeta, Irura, Tolosa eta Zizurkil daude eremu gorrian

Tolosaldeko Ataria 2021ko ots. 1a, 12:39

Anoeta, Irura eta Zizurkil batu dira zerrendara, eta ondorioz, bihartik aurrera ostalaritza itxita izango da udalerri horietan. Tolosan ere tabernek eta jatetxeek itxita jarraituko dute.

Pasa den astelehenean sartu zen eremu gorrian Tolosa, eta bertan jarraituko du, 685eko intzidentzia tasa baitu. 5.000 biztanletik beherako herrien kasuan, Anoeta, Irura eta Zizurkil ere sartu dira, Osasun sailak gaur kaleratutako zerrendan. Anoetaren kasuan, 14 positibo izan dira azken 7 egunetan, eta 788ko tasa du; Iruran, 7 positibo izan dira azken 7 egunetan, eta 551ko intzidentzia tasa du; eta Zizurkilen, 16 positibo izan dira azken astean, eta 823ko tasa du. Hiru herriei dagokien osasun eremua, Villabonakoa, kolore gorrian dago, 519ko tasarekin.

Eremu gorrian dauden 5.000 biztanletik gorako herriak, Abadiño, Agurain, Amorebieta-Etxano, Andoain, Arrigorriaga, Azpeitia, Balmaseda, Barakaldo, Basauri, Bermeo, Bilbo, Derio, Donostia, Durango, Eibar, Elgoibar, Elorrio, Erandio,Ermua, Errenteria, Galdakao, Gernika-Lumo, Getxo, Güeñes, Hernani, Hondarribia, Irun, Lasarte-Oria, Legazpi, Leioa, Lekeitio, Lezo, Markina-Xemein, Mungia, Muskiz, Ordizia, Orio, Ortuella, Pasaia, Portugalete, Santurtzi, Sopela, Tolosa, Urnieta, Urretxu, Valle de Trapagaran, Gasteiz, Zalla eta Zumarraga dira.

Eta, 5.000 biztanletik, beherakoak, berriz, Aia, Alonsotegi, Anoeta, Arantzazu, Arrieta, Atxondo, Berriz, Galdames, Gamiz-Fika, Gatika, Gautegiz Arteaga, Gordexola, Iruña Oka, Irura, Iurreta, Karrantza Harana/Valle de Carranza, Bastida, Laguardia, Laukiz, Lemoa, Lemoiz, Loiu, Maruri-Jatabe, Mendaro, Mendexa, Meñaka, Oion, Plentzia, Erribera Donemiliaga, Sondika, Sopuerta, Urduliz, Urkabustaiz, Iekora, Zaldibar, Zamudio, Zaratamo, Zestoa, Ziortza-Bolibar, Zizurkil eta Zuia dira.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!