Osasun sailak emandako datuen arabera, 13.154 test diagnostiko egin zituzten atzo, eta horietatik 1.139 positiboak izan ziren. Gipuzkoan, 319 positibo atzeman zituzten, tartean, 17 Tolosaldean. Azken 14 egunetako intzidentzia tasa kontuan hartuta, EAE eremu gorria izatera pasa da, 507,48eko tasarekin.
Eskualdeko hainbat herrik eremu gorrian jarraitzen dute: Amasa-Villabona (692), Ibarra (580), Leaburu-Txarama (2.116) eta Tolosa (592). Astelehenean emango du berriro jakitera Osasun sailak eremu gorrian dauden udalerrien zerrenda. Gaurko datuak kontuan hartuta, Berrobi eremu gorri izatera pasa daiteke astelehenean, intzidentzia tasa 1.141ekoa duelako. Hala ere, ikusi egin beharko da Ibarrako osasun eremuak gorrian jarraitzen duen; gaurko datuetan, 547,56eko intzidentzia tasa du eremu horrek.
Ospitaleen egoerari dagokionez, COVIDaren ondorioz 77 pertsona ospitaleratu ziren atzo, orotara, 501 pertsona daude Gipuzkoa, Bizkaia eta Arabako ospitaleetan, eta COVIDa duten 109 pertsona ZIUn daude.