Osasun sailak emandako datuen arabera, 13.021 test diagnostiko egin zituzten atzo, eta horietatik 771 positiboak izan ziren. Gipuzkoan, 209 positibo zenbatu zituzten, horietatik, 34 Tolosaldekoak.
Amasa-Villabonak gorrian jarraitzen du, 659ko tasarekin, eta Tolosa kolore laranjan dago, 438ko tasarekin. Osasun eremuei dagokienez, Tolosaldeko ESIa 506ko tasarekin gorrian ageri da, eta baita Ibarrako eremua ere, 522ko tasarekin. Alegia, Tolosa eta Villabonako osasun eremuek laranjan jarraitzen dute.
Ospitaleen egoerari dagokionez, COVIDaren ondorioz 74 pertsona ospitaleratu zituzten atzo, orotara, 368 pertsona daude Gipuzkoa, Bizkaia eta Arabako ospitaleetan, eta COVIDa duten 83 pertsona ZIUn daude.