Koronabirusa

18 positibo azken orduetan

Tolosan 8, Ibarran 3, Alegian, Iruran eta Amasa-Villabonan bina eta Zizurkilen positibo bat atzeman dituzte azken egunean.

Osasun sailak emandako datuen arabera, 14.649 test diagnostiko egin zituzten atzo, eta haietatik 735 positiboak izan ziren. Horietatik 237 Gipuzkoan atzeman zituzten, eta 18 Tolosaldean.

Amasa-Villabonak kolore gorrian jarraitzen du, 625eko tasarekin, eta Tolosak laranjan, 391ko intzidentziarekin azken hamabost egunetan. Osasun eremuei dagokienez, Tolosaldeko ESIa kolore laranjan dago 466ko tasarekin, eta Alegia (476), Ibarra (496), Tolosa (370) eta Villabonako (388) eremuak ere laranjan daude. 

Ospitaleen egoerari dagokionez, COVIDaren ondorioz 50 pertsona ospitaleratu zituzten atzo, orotara 355 pertsona daude ospitaleetan, eta COVIDa duten 78 pertsona ZIUn daude.

Bestalde, urtarrilaren 4tik 10era bitarte COVIDaren eraginez 36 hildako izan direla adierazi du Osasun sailak.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!