Koronabirusa

15 positibo berri azken orduetan

Tolosa eta Villabona eremu laranjan jarraitzen dute; Tolosan 11 positibo atzeman dituzte, 2 Berastegin eta bana Asteasu eta Villabonan.

Osasun sailak argitu duenez, atzo 7.503 test diagnostiko egin ziren, eta haietatik 535 izan ziren positiboak. Lurraldeen arabera 283 atzeman zituzten Bizkaian, 170 Gipuzkoan, 73 Araban eta 9 Euskaditik kanpo bizi diren pertsonetan. Intzidentzia tasa ikusita Tolosa eta Villabona eremu laranjan daude, atzo bezala; Villabonako tasa metatua 439koa da eta Tolosakoa 417koa. Amasa-Villabonako egoera epidemiologikoak okerrera egin duela eta, udalak arduraz jokatzeko eta prebentzio neurriak betetzeko eskatu die herritarrei.
 
Bestalde, eta ospitaleetako egoerari buruz, Osasun sailak esan du COVIDaren ondorioz 46 pertsona ospitaleratu zirela atzo, eta COVIDa duten 71 pertsona ZIUn daude. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!