Koronabirusa

22 positibo berri eskualdean

Tolosan 14, Amasa-Villabonan 6 eta Anoetan 2 kasu atzeman dituzte azken orduetan.

Eusko Jaurlaritzako Osasun Sailak emandako datuen arabera, 8.657 test diagnostiko egin zituzten atzo, eta horietatik 517 (%6) positiboak izan ziren. Gipuzkoan, 207 positibo atzeman zituzten, tartean, 22 Tolosaldekoak.

Tolosak (238) eta Amasa-Villabonak (169) kolore horian jarraitzen dute, azken hamabost eguneko intzidentzia-tasari dagokionez. Aipatzekoa da, azken egunotan gorakada nabarmena izaten ari direla bi herri horietako inzidentzia-tasak.

Bestalde, COVIDaren ondorioz 53 pertsona ospitaleratu zituzten atzo, orotara, 284 pertsona daude Gipuzkoa, Bizkaia eta Arabako ospitaleetan, eta COVIDa duten 79 pertsona daude ZIUn.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!